Нутгийн Өөрөө удирдах байгууллагын бодлого, үйл ажиллагааны нэгдмэл байдал, ажлын уялдааг хангуулах, хуулийн хэрэгжилтийг үнэлж дүгнэх, төлөөллийн байгууллагыг чадавхжуулах, мэдээлэл солилцох, албан хаагчдын мэдлэг, ур чадварыг нэмэгдүүлэх, хамтдаа хөгжих зорилгоор Аймаг, сумдын иргэдийн Төлөөлөгчдийн Хурлын ажлын албад зөвлөлдөж байна.
Зөвлөгөөнд Аймгийн иргэдийн Төлөөлөгчдийн Хурлын ажлын алба, 18 сумдын иргэдийн Төлөөлөгчдийн Хурлын дарга, Нарийн бичгийн дарга, ажлын албаны ажилтнууд нийт 50 гаруй албан хаагчид хамрагдлаа.
Аймгийн ИТХ, сумдынхаа Хурлын байгууллагатай цаашид хэрхэн хамтран ажиллах, иргэдийг соён гэгээрүүлэх, гэмт хэрэг зөрчлийг бууруулах, Төлөөлөгчдийн хамтын ажиллагааг өргөжүүлэх, иргэдийн оролцоог хангах, хүүхэд хөгжил хамгааллын жилийн ажлыг дэмжихэд чиглэсэн ажилд анхаарал тавьж ажиллах талаар санал солилцон цаашдын төлөвлөгөөгөө хэлэлцэх юм.
