Өнөөдөр /2023.03.30/ "Дэлхийн эмч нарын баярын өдөр"-ийг тохиолдуулан улс орны хэмжээнд эрүүл мэндийн салбарыг хөгжүүлэх, хүн ардынхаа эрүүл мэндийг сахин хамгаалах үйлсэд идэвх зүтгэл гарган үр бүтээлтэй ажиллаж, эрүүл мэндийн салбарт оруулсан үнэтэй хувь нэмэр, хөдөлмөр зүтгэлийг нь үнэлэн Чингэлтэй дүүргийн Эрүүл мэндийн төвийн эмч нарт Монгол Улсын Засгийн газрын “ЭРҮҮЛИЙГ ХАМГААЛАХЫН ТЭРГҮҮНИЙ АЖИЛТАН” шагнал, Эрүүл мэндийн яамны “ЖУУХ БИЧИГ”-ийг гардуулан өглөө.

            Шагналыг Чингэлтэй дүүргийн иргэдийн Төлөөлөгчдийн Хурлын дарга Б.Мөнхбат, Засаг даргын орлогч, Төлөөлөгч Д.Отгонбаатар нар гардуулан өгч цаашдын ажилд нь амжилт хүслээ.

            Чингэлтэй дүүргийн иргэдийн Төлөөлөгчдийн хурлын дарга Б.Мөнхбат “Өргөсөн тангарагтаа үнэнчээр зүтгэж, иргэд олон нийтийн эрүүл мэндийг сахин хамгаалах үйлсэд идэвх, зүтгэл гарган ажиллаж буй эрүүл мэндийн салбарын нийт эмч, сувилагч, ажилтан албан хаагчдад баяр хүргэе” хэмээн мэндчилгээ дэвшүүллээ.

ХУРЛЫН АЖЛЫН АЛБА