Гэмт хэрэг, зөрчлийг бууруулах, Сумдын гэмт хэргээс урьдчилан сэргийлэх ажлыг эрчимжүүлэх зорилгоор Төрийн байгууллага, салбар зөвлөлийн үйл ажиллагаатай танилцах, зөвлөн туслах, мэргэжил арга зүйн зөвлөгөө өгөх, иргэдийн санал хүсэлтийг сонсох, тогтоол шийдвэрийн хэрэгжилтийг хангуулах зорилгоор Аймгийн ИТХ-ын дарга бөгөөд ГХУСАЗСЗ-ийн дарга Г.Хэрлэнчулуунаар ахлуулсан ажлын хэсэг  /2023.04.05-06-ны/ өдрүүдэд Дэлгэрхаан, Цэнхэрмандал сумдад ажиллалаа.

Энэ үеэр ГХУСАЗСЗ-ийн гишүүд сумын иргэд, Төрийн албан хаагчидтай уулзаж Архивын 2023 оны үзлэг, Аймгийн ИТХ-ын тогтоол, шийдвэрийн хэрэгжилтийн талаар мэдээлэл өгч зөвлөн тусалж, Хүүхдийн эрхийн зөрчлийн шийдвэрлэлт, Хамтарсан багийн үйл ажиллагаатай танилцаж, зөвлөн тусалсан ба ЕБС-ийн сурагчдад Тамхи болон электрон тамхины найрлага, түүний хор уршигийн талаар мэдээлэл хийн ажиллалаа.

ГХУСАЗСЗ-ийн гишүүд ирэх 5 дугаар сард бусад сумдад ажиллах төлөвлөгөө гарган ажиллаж байна.