“Нийтээр тэмдэглэх баярын болон тэмдэглэлт өдрүүдийн тухай хууль”, “Алсын хараа-2050” Монгол улсын урт хугацааны хөгжлийн бодлого, Монгол улсын Ерөнхийлөгчийн 2012 оны 158 дугаар зарлигийг хэрэгжүүлэх зорилгоор “Үндэсний бичиг соёл, номын өдрүүд-2023” арга хэмжээг улс орон даяар өргөн цар хүрээтэй тэмдэглэн өнгөрүүлж байна.

                          Хэнтий аймгийн  Үндэсний бичиг соёл, номын өдөр энэ сарын 18-19-ний өдрүүдэд  Аймгийн Иргэдийн төлөөлөгчдийн Хурлын даргын ивээл дор зохион байгуулагдаж байгаагаараа онцлог юм.

                          Энэ үеэр Бүх нийтийн уншлагыг дэмжих, номын сангийн өв санг арвижуулах, хүүхэд залуусын сурах эрмэлзэлд дэмжлэг үзүүлэх, ном эрдмийг түгээн дэлгэрүүлэх зорилгын дор жил бүрийн энэ л өдрүүдэд Үндэсний номын баяраа  тэмдэглэдэг уламжлалтай.

                          Үндэсний номын баяраар Хэнтий аймгийн нийт сум, сургуулийн номын санчдын нэгдсэн сургалт, хэлэлцүүлэг болох ба спорт өдөрлөг 5 дугаар сарын 18-ны өдөр зохион байгуулагдахаас гадна 5 дугаар сарын 19-ний өдөр Чингисийн талбайд “Үндэсний номын баяр-2023” арга хэмжээний нээлт болох ажээ.

Нээлтийн үйл ажиллагаанд:

-       Хан Хэнтий 100 жил номын үзэсгэлэн

-       Хан Хэнтий 100 жилд зориулсан уншигчийн бүтээлийн үзэсгэлэн

-       “Монгол наадгай” тэмцээн

-       Баян-овоо сумын “Цэцэнхэн” хүүхэлдэйн театрын хуруун хүүхэлдэйн үзүүлбэр

-       Төрийн болон төрийн бус байгууллагаас нийтийн номын санд ном хандивлах ажиллагаа

-       Номын санчдын мэндчилгээ

-       Хуучин номын солилцоо, худалдаа

-       “Номын дүр” цэцэрлэг, сургуулийн бага ангийн сурагчдын дүрийн парад

-       “Тэргүүний уншигч Д.Нацагдорж тэмдэгтэн”-ий болзол хангасан уншигчдад тэмдэг гардуулах

-        Номын санчдын “уран бичвэр” уралдааны шагнал

-       “Шилдэг номын сантай өрх”,

-       “Номын баяр-бидний баяр” гар зургийн уралдааны зэрэг олон олон шагналын эзэд тодрох юм.