Аймгийн иргэдийн Төлөөлөгчдийн Хурлын 2022 оны 01 дүгээр сарын 21-ний өдрийн Есдүгээр хуралдааны 02 дугаар тогтоолоор 2022 оныг “Хүүхэд хөгжил хамгааллын жил ” болгон зарласантай холбогдуулан Олон улсын Хүүхдийн эрхийг хамгаалах өдрийг тохиолдуулан “МӨРӨӨДЛИЙН ӨРТӨӨ-ХИШИГ ӨДӨР” арга хэмжээг зохион байгуулж сурагч хүүхдүүдээс гарсан санал, санаачлагыг ажил хэрэг болгон ажиллах юм.
Аймгийн иргэдийн Төлөөлөгчдийн Хурал нь Хэнтий аймгийн Өсвөрийн Сэтгүүлч клубтэй хамтран “Мөрөөдлийн өртөө-Хишиг өдөр” арга хэмжээг 2 дахь жилдээ зохион байгуулж байгаа бөгөөд сурагчид өөрсдийн сонирхсон хүсэл мөрөөдөл мэргэжлийн дагуу нийт 23 албан байгууллага дээр 57 сурагчид ажилласан юм.
Мөн чөлөөт уулзалт ярилцлага буюу сурагч тус бүр ажилласан байгууллагынхаа онцлог, ажилласан мэргэжлийнхээ чиг үүрэг, тухайн мэргэжлийг эзэмшихэд анхаарах асуудал сэдвээр нээлттэй ярилцлагыг найзуудынхаа дунд зохион байгууллаа.