Аймгийн иргэдийн Төлөөлөгчдийн Хурлаас уламжлал болгон зохион байгуулдаг “СОНСЪЁ- ЯРИЛЦЪЯ” өглөөний цайн уулзалтыг Хэрлэн сумын 2-р багийн 60 гаруй  иргэдийн төлөөлөлтэй уулзаж санал бодлыг нь сонсон ярилцлаа.

Уулзалтанд Аймгийн иргэдийн Төлөөлөгчдийн Хурлын дарга Г.Хэрлэнчулуун , Бодлого зохицуулалт, олон нийттэй харилцах хэлтсийн дарга Г.Болд, Хэрлэн сумын ИТХ-ын дарга Г.Бат-Эрдэнэ нар оролцлоо.

Өглөөний 07.30 цагт уулзан иргэдтэйгээ халуун аньс, кофе уунгаа халуун дотно яриа өрнүүлж энгийн ажилаа явуулж байгаад талархалтай байгаагаа иргэд илэрхийлж байлаа.

Булаг баг нь "ХОГГҮЙ БАГ, ХОГГҮЙ ЭГНЭЭ ГУДАМЖ аянг өрнүүлж "Хөршийн холбоо" байгуулж айл өрхүүдээс 5000 төгрөгийг сар бүр төвлөрүүлж эгнээ гудамж хариуцсан хогны цэвэрлэгчийг ажиллуулахаар иргэдээс саналыг авч айл өрхүүд дэмжсэнээр цэвэрлэгч эгнээ гудамжны цэвэрлэгээг хийдэг байна. Үүний үр дүн гарч багийн өнгө үзэмж сайжирч байгаа  гэхдээ зарим иргэдийн ухамсар муугаас цэвэрлээд цэвэрлээд хогоо ил задгай хаях хандлага их байгаад байна, ахмадууд эмнэлэгт хэвтэх гэхэд сарын дараах оочир авдаг, хувийн эмнэлэгтэй болмоор байна, тэрбум мод үндэсний аянг өрнүүлж айл өрхүүд хашаандаа мод тарьж байгаа гэтэл модны суулгац өндөр ханштай зарах шаардлага байна уу гэх мэтчилэн санал дэвшүүлж байлаа.

Иргэдтэйгээ энгийн уулзаж ярилцан санал бодолоо солилцон иргэдтэй ойр ажиллаж байгаад талархаж байгаагаа илэрхийлж байв.