Аймгийн иргэдийн Төлөөлөгчдийн Хурлын даргын захирамжаар Гэр бүл, Хүүхдийн эсрэг хүчирхийллээс урьдчилан сэргийлэх хамтарсан багийн үйл ажиллагаатай танилцах хяналт, дүн шинжилгээ хийх ажлын хэсэг байгуулагдаж Хэрлэн сумын багуудад ажиллаж байгаа бөгөөд өнөөдөр Баянмөнх, Сариг багт ажиллаж Хамтарсан багийн үйл ажиллагаатай танилцан, хяналт дүн шинжилгээ хийж, мэргэжил аргазүйн дэмжлэг үзүүлэн ажиллалаа.
Хамтарсан багийн үйл ажиллагааны үндсэн хавтас бүрдүүлэлт, Кейсийн хувийн хэргийн бүрдүүлэлт, Урьдчилан сэргийлэх арга хэмжээ, Хууль сурталчилах арга хэмжээ, Зохион байгуулсан сургалт, зөвлөгөө, нөлөөллийн ажил, Эрсдэлт нөхцөлд байгаа хүүхэд, гэр бүлийг илрүүлэх арга хэмжээ авсан байдал, Үйлчилгээний нууцлал /нууцын гэрээ байгуулсан эсэх/, Хамтарсан багийн зүгээс хэсгийн ахлагч нартай хамтарч ажилласан байдал, Шинээр санаачлан хэрэгжүүлсэн ажил, үйлчилгээ зэрэг 10 чиглэлээр шалган, заавар зөвлөгөө өгч, мэргэжил аргазүйн дэмжлэг үзүүллээ.
Багуудад ажилласан хяналт шалгалт, дүн шинжилгээний тайланг Аймгийн ИТХ-ын хуралдаан, Гэмт хэргээс урьдчилан сэргийлэх ажлыг зохицуулах салбар зөвлөлийн хуралдаанд тус тус танилцуулах юм.
