Хэнтий аймгийн Гэмт хэргээс урьдчилан сэргийлэх ажлыг зохицуулах салбар зөвлөлийн 2022 оны үйл ажиллагааны төлөвлөгөөнд тусгагдсан аймгийн иргэдийн Төлөөлөгчдийн Хурлын даргын ивээл дор жил бүр уламжлал болгон зохион байгуулагддаг НОГООН ГЭРЭЛ - ЦАГААН ШУГАМ 2022 тэмцээн өнөөдөр амжилттай зохион байгуулагдлаа.
Хүүхдийг зам тээврийн хэрэг, ослоос урьдчилан сэргийлэх, замын хөдөлгөөнд оролцох зөв дадалд сургах, аюулгүй байдлаа хэрхэн хангах талаар хууль, эрхзүйн мэдлэг олгох, тэдний эцэг, эх, асран хамгаалагч нарын үүрэг хариуцлагыг сайжруулах, сургуулийн багш, нийгмийн ажилтнуудын оролцоог нэмэгдүүлэх зорилгоор Аймгийн ИТХ-ын дэргэдэх ГХУСАЗСЗөвлөл, аймгийн Цагдаагийн газартай хамтран зохион байгууллаа.
Тэмцээнд Хэнтий аймгийн Хэрлэн сумын 4 сургуулийн нийт 48 сурагч оролцож хурд хүч авхаалж самбаагаа сорьж өрсөлдсөнөөс НЭГДҮГЭЭР байрыг 1-р сургуулийн “Лаборатори Полицэ” баг, хоёрдугаар байрыг Тэмүүжин цогцолбор сургуулийн "Тэмүүжин" баг, гуравдугаар байрыг 4-р сургуулийн “Авто лидэр” баг тус тус шалгарлаа.
