Эзэн Чингис хааны мэндэлсэний 860 жил, Монгол Улсын нутгийн удирдлагын 100 жилийн ой, Хэнтий аймгийн иргэдийн Төлөөлөгчдийн Хурлын 30 жилийн ойн нэрэмжит “ҮГИЙН ЖИРЭМ” бүтээлч уншлага, илтгэлийн уралдаан өнөөдөр эхэллээ.

Уралдаанд Хэрлэн сумын Ерөнхий боловсролын 4 сургууль, 8 сум, 2 тосгоны 23 багийн 70 гаруй сурагчид оролцож “Чингис хаан ба дэлхийн их амар амгалан” сэдвээр өрсөлдөн оюун ухаанаа сорьж байна.

Улс үндэснийхээ тусгаар тогтнол, үнэ цэнийг шинжлэн судлах, өв соёл, ёс уламжлалаа дээдлэх, түгээн дэлгэрүүлэх, эрдэм номыг эрхэмлэн суралцахад уриалах зорилгоор зохион байгуулагдаж байна.

Уралдааны шүүгчээр Аймгийн иргэдийн Төлөөлөгчдийн Хурлын нарийн бичгийн дарга С.Бат-Эрдэнэ, Аймгийн Боловсрол шинжлэх ухааны газрын дарга С.Мөнхцэцэг, Боловсрол шинжлэх ухааны газрын Эх хэлний судлагдахуун хариуцсан мэргэжилтэн Ж.Мөнхчимэг нар ажиллаж байгаа юм.