Хэнтий аймгийн Галшар сумын түүхт 100 жилийн ойн баярын хуралд Аймгийн иргэдийн Төлөөлөгчдийн Хурлын дарга Г.Хэрлэнчулуун оролцон өөрийн биеэр хүрэлцэн ирж баяр наадмын мэндчилгээ хүргэлээ.Хэнтий аймгийн Галшар сум алт, гянт болдын хүдэр, хайлуур жонш, хар тугалага зэрэг байгалийн баялагтай, зос, шаврын илэрцүүд, элс хайрга, шохой зэрэг барилгын материалын нөөцтэй бөгөөд нутгийн ард олон үеэс үед үрээс үрд тахин шүтэж ирсэн Галшар уул бол Хэнтий аймгийн нутагт байгаа онцлох уул, шүтлэгт хайрхануудын нэг билээГалшар сумыг улс, аймгаас ихэд анхаарч “Жишиг сум” төслийг хэрэгжүүлэх болсон бөгөөд цэвэрлэх байгууламж, цэвэр, бохир усны болон төвлөрсөн халаалт, шугам сүлжээ, сумын Засаг даргын Тамгын газрын барилга, Цэнгэлдэх хүрээлэн, 300 хүний суудалтай Соёлын төвийн барилга, Эрүүл мэндийн төвийн барилгын өргөтгөл, Баянбадрал, Сангийндалай, Оч багуудын сургалт мэдээллийн төв, Өвс тэжээлийн агуулах зэргийг шинээр барьж хөрөнгө оруулалтыг нилээд хэмжээгээр хийсээр иржээ.Хурлын дарга хэлсэн үгэндээ:“Галшар сумын тухайд бэлчээрийн мал аж ахуйг орчин цагийн шинэ шийдэл бүхий эрчимт, хамтын хөдөлмөр бүтээлд тулгуурлан хөгжүүлэх, байгалийн баялаг нөөцийг эдийн засгийн эргэлтэд оруулж, байгальд ээлтэй уул уурхайн үйлдвэрлэлийг тодорхой бүс нутагт хөгжүүлэх, Галшар адууг түшиглэсэн аялал жуулчлалын бүтээгдэхүүн үйлчилгээг өргөжүүлэн хөгжүүлэх, морин уралдааны томоохон төв, адууны соёлыг сурталчилсан Галшар адууны баяр, өвгөн ноёны наадам зэрэг зорилтот ажлыг тодорхой бүлгүүд рүү чиглүүлэн хийх, гадаад дотоодын жуулчдыг татах боломжтой гэж бид үздэг.
Энэ дашрамд эх орон ард түмэн, улсынхаа тусгаар тогтнолыг авран хамгаалах Халхын голын ариун дайны баатар Чимэдийн Шаарийбууд Монгол улсын баатар цол нэхэн шагнуулахаар аймгийн иргэдийн Төлөөлөгчдийн Хурлаас 3 удаа улсын төв байгууллага, Ерөнхийлөгчид өргөн мэдүүлсэн байдаг бөгөөд энэхүү эрхэм хүнийг ийн шагнуулах гавьяатай хүн гэдгийг энэ удаа ч нотлож, санал хэвээр байгааг үүгээр дуулгая.”
Галшар нутгийн зон олон та бүхэн минь дэнж хотойтол сайхан наадаарай хэмээн мэндчиллээ.
