“INVEST KHENTII 2023” ХӨРӨНГӨ ОРУУЛАЛТЫН ЧУУЛГАН ЭХЭЛЛЭЭ
Монгол улсын Засгийн газраас хэрэгжүүлж буй “Шинэ сэргэлтийн бодлого”-ыг хэрэгжүүлэх хүрээнд Хот, хөдөөгийн сэргэлтийн зорилтыг хангах, Улаанбаатар хотоос орон нутагт шилжин суурьших иргэд, аж ахуй нэгж байгууллагыг дэмжиж, хамтран ажиллах, Хэнтий аймагт төсөл хөтөлбөр хэрэгжүүлэх, бизнес эрхлэх боломжуудыг танилцуулж, гадаад болон дотоодын хөрөнгө оруулалтыг татаж, аймаг болон бүс нутгийн эдийн засгийн чадавхийг нэмэгдүүлснээр орон нутагт амьдрах таатай нөхцлийг бүрдүүлэх зорилготой Хэнтий аймагт зохион байгуулагдаж байна.УИХ, Засгийн газрын гишүүд, яам, агентлагийн удирдах албан тушаалтнууд, Монгол улсын хөрөнгө оруулагч, үндэсний үйлдвэрлэгч, бизнес эрхлэгч нар, Хэнтий, Дорнод, Сүхбаатар аймгийн Засаг дарга, бизнес эрхлэгчид, Аймаг, орон нутгийн бизнес эрхлэгчид, 18 сумдын төлөөлөл зэрэг томоохон форум болж байна.Чуулганаар: - Хэнтий аймгийн хөдөө аж ахуй, жижиг дунд үйлдвэрлэл дэх хөрөнгө оруулалтын боломжууд,- Хэнтий аймгийн аялал жуулчлал ба тээвэр логистикийн хөгжил, хөрөнгө оруулалтын боломжууд,
- Барилга, дэд бүтэцийн салбарын хөрөнгө оруулалтын боломжууд,
- Бүс нутгийн хөрөнгө оруулалтын боломжууд сэдвээр хэлэлцэж байна.
