МЭДЛЭГ-УР ЧАДВАР УРАЛДААН АМЖИЛТТАЙ БОЛЖ ӨНДӨРЛӨЛӨӨ
Аймгийн иргэдийн Төлөөлөгчдийн Хурал, аймгийн Засаг даргын тамгын газрын Хууль эрх зүйн хэлтэс, Архивын тасаг, Хүний эрхийн үндэсний комиссын Дундговь аймаг дахь салбар хамтран Авлигын эсрэг болон Хүний эрхийн олон улсын өдөр, Архивчдын өдрүүдийг тохиолдуулан “Мэдлэг-ур чадвар” уралдааныг 2023 оны 11 дүгээр сарын 27-ны өдөр амжилттай зохион байгууллаа. Уралдаанд Засаг даргын дэргэдэх хэлтэс агентлагуудын ЭБАТ, архив, бичиг хэргийн ажилтнууд оролцож Байгаль орчин аялал жуулчлалын газар, Биеийн тамир спортын газар, Боловсрол шинжлэх ухааны газар, Мал эмнэлгийн газар, Эрүүл мэндийн даатгалын хэлтсийн хамтарсан баг Нэгдүгээр байр, Газрын харилцаа, барилга, хот байгуулалтын газар, Гэр бүл хүүхэд залуучуудын хөгжлийн газар,Соёл урлагийн газар, Хүнс хөдөө аж ахуйн газар, Зооноз өвчин судлалын албаны хамтарсан баг Хоёрдугаар байр эзэллээ. “Авлигын эсрэг нэгдье”үндэсний хэмжээний нөлөөллийн арга хэмжээг олон нийтэд сурталчлах сурталчилгаа, Монгол Улсын Үндсэн хуульд заасан хүний эрх, эрх чөлөөнөөс орон нутагт хамгийн ихээр зөрчигдөж буй эрхээр жүжигчилсэн тоглолт үзүүлэх, Архив , бичиг хэрэг хөтлөлтийн ур чадварыг тест, архивын нэгж үүсгэх, монгол бичгээр албан бичиг боловсруулах , багийн ахлагч нарын Үндсэн хуулийн мэдлэг сорих гэсэн 5 төрлөөр тэмцээнийг зохион байгууллаа. Тэмцээнд 24 байгууллагын 43 албан хаагчид оролцсон байна.
