Ховд аймгийн Гэмт хэргээс урьдчилан сэргийлэх ажлыг зохицуулах салбар зөвлөл, Ховд аймгийн Цагдаагийн газартай хамтран Малчдын бүлгийн гишүүдийн үйл ажиллагааг идэвхжүүлэх зорилготой болзолт уралдааныг зохион байгууллаа.
Тус уралдаанд 16 сумын “Малчдын бүлэг”-ийн 140 орчим гишүүд, харьяа сум орон нутгийнхаа хэсгийн төлөөлөгч, цагдаатай хамтран оролцсон. Үүнээс:
Нэгдүгээр байр: Ховд аймгийн Дуут сумын Дуран малчдын бүлэгХоёрдугаар байр: Ховд аймгийн Ховд сумын "Ховд таван эрдэнэ" малчдын бүлэгГуравдугаар байр: Ховд аймгийн Манхан сумын "Монгол малчин" малчдын бүлэг шалгарч, аймгийн ИТХ-ын дарга бөгөөд Гэмт хэргээс урьдчилан сэргийлэх ажлыг зохицуулах салбар зөвлөлийн дарга З.Эрхбаяраас шагналаа гардан авлаа.
Энэ удаагийн уралдаан нь хариуцсан нутаг дэвсгэрийн хэмжээнд мал хулгайлах гэмт хэргээс урьдчилан сэргийлэх, илрүүлэлтийг ахиулах, таслан зогсоох ажлыг эрчимжүүлэх, мах, махан бүтээгдэхүүний бүртгэл, хяналтыг сайжруулах чиглэлээр Малчдын бүлгийн гишүүдийн үйл ажиллагааг идэвхжүүлэх зорилготой чухал ач холбогдолтой арга хэмжээ болсон гэдгийг оролцогчид онцолж байв.