ЖАРГАЛТХААН СУМАНД МАЛ АЖ АХУЙН ҮЙЛДВЭРЛЭЛ ЭРХЛЭГЧДИЙН 12 ДУГААР ЧУУЛГА УУЛЗАЛТ БОЛЖ БАЙНА
Жаргалтхаан суманд мал аж ахуйн үйлдвэрлэл эрхлэгчдийн ээлжит 12 дугаар чуулга уулзалт 2025 оны 5-р сарын 23-ны өдөр амжилттай зохион байгуулагдаж байна. Уг арга хэмжээнд аймаг, сумын удирдлагууд, мэргэжлийн байгууллагууд, фермерүүд, хоршоод, хувийн хэвшлийн төлөөлөл, 200 гаруй малчид оролцож байна. Чуулга уулзалтыг сумын Засаг дарга С.Ганбат нээн үг хэлж, Аймгийн Иргэдийн Төлөөлөгчдийн Хурлын дарга Б.Цогт-Орших мэндчилгээ дэвшүүлж, Хэнтий аймгийн 2025 оны хөрөнгө оруулалт, бүтээн байгуулалт, аймгийн иргэдийн Төлөөлөгчдийн Хурлын цаг үеийн мэдээллийг танилцууллаа. Чуулга уулзалтын хөтөлбөрт:
Малын эрүүл мэнд, тэжээл, үйлдвэрлэл, хоршооны хөгжлийн талаар мэргэжлийн илтгэлүүд тавигдажМал аж ахуйн салбарт олон жил үр бүтээлттэй ажиллаж буй малчдад аймгийн иргэдийн Төлөөлөгчдийн Хурал, аймгийн Засаг даргын нэрэмжит шагнал гардуулах“Апу Дери” ХХК, “Хаан хүнс импекс” ХХК зэрэг компаниуд бүтээгдэхүүн, үйлчилгээгээ танилцуулж, амталгаа зохион байгуулах"Тэрбум мод" үндэсний хөдөлгөөний хүрээнд мод тарихУрлагийн тоглолт зэрэг арга хэмжээнүүд багтсан байна.Энэхүү чуулга уулзалт нь орон нутгийн мал аж ахуйн үйлдвэрлэл эрхлэгчдийн мэдлэг, мэдээлэл, хамтын ажиллагааг өргөжүүлэх, нэгдсэн бодлого боловсруулахад чухал ач холбогдолтой юм.
