Хан Хэнтийчүүдийн шүтээн болсон Өндөрхаан хайрханы тахилга энэ оны тавдугаар сарын 31-ний өдөр зохион байгуулагдана.
Энэ удаагийн тахилгыг хайрханыхаа орой дээр бус, бэлээс нь тахихаар шийдвэрлэсэн байна.
Учир нь иргэдийн дунд "Өндөрхаан хайрханыг орой дээр нь тахих, эсхүл бэлээс нь тахихын алийг нь дэмжиж байна вэ?" гэсэн санал асуулгыг нээлттэйгээр явуулахад санал асуулгад оролцсон хүмүүсийн 80 орчим хувь нь “Хайрханы бэлээс тахих”-ыг дэмжжээ.
Иргэдийн санал бодлыг харгалзан, байгаль эхээ хайрлан хамгаалах зарчмыг баримтлан, зохион байгуулагчид бэлтгэл ажлыг хангаж, тахилгыг хайрханы бэлээс тайван, дэг журамтайгаар үйлдэхээр төлөвлөж байна.
Эх сурвалж: Аймгийн Засаг даргын тамгын газар