
Хэнтий аймгийн бүх салбарын нийгмийн ажилтнуудын мэргэжлийн хөгжлийг дэмжих, орчин үеийн нийгмийн ажлын олон улсын туршлага, хүүхэд хамгааллын шинэ мэдлэг мэдээлэл өгч чадавхжуулах зорилготой “Хөгжилд чиглэсэн, нийгмийн ажил” анхдугаар сургалт зөвлөгөөнийг өнөөдөр
/2025.05.26/ өдөр зохион байгуулж байна.

Сургалтад Хүүхэд гэр бүлийн нийгмийн ажилтан, Халамж, Боловсрол, Эрүүл мэнд, Шүүхийн шийдвэр, Хэрлэн сумын багийн нийгмийн ажилтнууд нийт 130 гаруй албан хаагч хамрагдаж байна.

Энэхүү сургалтад салбар бүрийн нийгмийн ажилтнуудад тулгамдаж буй асуудал бэрхшээл түүнийг хэрхэн шийдвэрлэж үр дүнд хүрэх, хөгжилд чиглэсэн нийгмийн ажилд шинжлэх ухааныг судалгааг хослуулах, кейс менежментийг ашиглах, хамтын ажиллагаагаар асуудлаа шийдвэрлэх гэх зэрэг сэдвийн хүрээнд сургалтыг явуулж байна.
Эх сурвалж: Аймгийн Засаг даргын тамгын газар





