АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН ДАРГА ДАРХАН СУМАНД АЖИЛЛАЛАА
Аймгийн иргэдийн Төлөөлөгчдийн Хурлын дарга бөгөөд аймагт ГХУСАЗСЗ-ийн дарга Б.Цогт-Орших “Бүсийн зөвлөгөөн 2025” үеэр Дархан сумын удирдлагуудын хамт сургуулийн барилгатай танилцлаа.
Р. Чойномын нэрэмжит Дархан сумын ерөнхий боловсролын сургуулийн барилга нь 1988 онд ашиглалтад орсон бөгөөд сургуулийн барилгад цууралт өгч, халаалт, дулаан шаардлага хангахгүй, ангиудын цонхны шил цуурснаас болж үйл ажиллагаа явуулах боломжгүй болж 1992 онд өөр газар нүүж үйл ажиллагаа явуулж байсан.
Сургуулийн барилгад их засвар хийж 2003 онд уг барилгадаа үйл ажиллагаа явуулж байсан ч 2013 онд Хэнтий аймгийн мэргэжлийн хяналтын байгууллагын акт үйлдэгдэн дахин үйл ажиллагаа явуулж болохгүй гэсэн дүгнэлт гарсан ч боловсролын үйл ажиллагааг тасралтгүй байлгах зорилгоор одоог хүртэл үйл ажиллагааг явуулсаар байна.
Одоогийн байдлаар сургуулийн шал цөмөрсөн, дээврээс ус алддаг, цахилгааны мантажууд шатаж гал гарсан гэх маш олон асуудлууд гараад байна.
Иймд сургуулийн шинэ барилга барих төсвийг 2026 оны төсөвт тусгуулах хүсэлтийг Дархан сумын удирдлагууд, сургуулийн захирал тавьлаа.
Аймгийн иргэдийн Төлөөлөгчдийн Хурлын ажлын алба
