АЙМАГТ ГЭМТ ХЭРГЭЭС УРЬДЧИЛАН СЭРГИЙЛЭХ АЖЛЫГ ЗОХИЦУУЛАХ САЛБАР ЗӨВЛӨЛИЙН БҮРЭЛДЭХҮҮН СУМДАД АЖИЛЛАЖ БАЙНА. 

 Монгол Улсад Гэмт хэргээс урьдчилан сэргийлэх ажлыг зохицуулах зөвлөлийн 60 жилийн ойн хүрээнд Сумдын гэмт хэргээс урьдчилан сэргийлэх ажлыг зохицуулах салбар зөвлөлд мэргэжил арга зүйн дэмжлэг үзүүлэх зорилгоор “БҮСЧИЛСЭН ЗӨВЛӨГӨӨН-2025” зүүн бүсийн зөвлөгөөн Хэнтий аймгийн Батноров суманд зохион байгууллагдлаа. 

Зөвлөгөөнд аймгийн иргэдийн Төлөөлөгчдийн Хурлын дарга бөгөөд Аймагт ГХУСАЗСЗ-ийн дарга Б.Цогт-Оршихоор ахлуулсан баг Дадал, Батноров, Норовлин, Баян-Овоо, Биндэр, Бэрх, Баян-Адарга сумдын ГХУСАЗСЗ-ийн дарга, дэд дарга, гишүүд, иргэд, малчдын төлөөлөлд мэдээлэл танилцуулж, мэргэжил арга зүйн дэмжлэг үзүүлж байна. 

Зөвлөгөөнд хууль хяналтын байгууллагууд оролцож, иргэдэд газар дээр нь үйлчилгээ үзүүлнэ. Үүнд:

📌 Аймгийн Шүүх – Нэхэмжлэл хүлээн авах болон эвлэрүүлэн зуучлах ажиллагааны талаар мэдээлэл өгнө.

📌 Прокурорын газар – Гэмт хэрэг, зөрчилтэй холбоотой прокурорын шийдвэрийн талаар, мөн байгаль хамгаалах чиглэлээр авч хэрэгжүүлж буй арга хэмжээний талаар мэдээлнэ.

📌 Цагдаагийн газар – Иргэдийн аюулгүй байдал, эрх хамгаалалттай холбоотой мэдээлэл түгээнэ.

📌 Шүүхийн шийдвэр гүйцэтгэх газар – Иргэний болон хорихоос өөр төрлийн ял эдлүүлэх ажиллагааны талаар мэдээлэл, зөвлөгөө өгнө.

АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН АЖЛЫН АЛБА