Байгаль орчин, уур амьсгалын өөрчлөлтийн яамны Тусгай хамгаалалттай газар нутгийн бодлогын хэрэгжилтийн газрын дарга Д.Батцогт, Монголын Байгалийн Өв Сангийн Удирдах зөвлөлийн гишүүн Ө.Азжаргал, С.Амгаланбаатар, гүйцэтгэх захирал Э.Номиндарь нарыг аймгийн ИТХ-ын дарга З.Эрхбаяр хүлээн авч уулзлаа.
Уулзалтаар Байгаль орчин, уур амьсгалын өөрчлөлтийн яам, TNC болон Монголын Байгалийн Өв Сангаас хамтран хэрэгжүүлж буй “Өнө мөнхийн Монгол” байгаль хамгаалах байнгын санхүүжилтийн хөтөлбөр төлөвлөлтийн талаар, мөн Ховд аймгийн тусгай хамгаалалттай газар нутгуудын менежмент, орон нутгийн иргэдийн оролцоо, санхүүжилтийг сайжруулах, жишиг хамгаалалттай газруудыг хөгжүүлэх боломжуудын талаар санал солилцов.
Цаашид Ховд аймгийн аялал жуулчлалыг сайжруулах, жишиг хамгаалалттай газруудыг хөгжүүлэх талаар боломжит судалгааг хийж хамтран ажиллах юм.
