ХЭНТИЙ АЙМАГ БНХАУ-ЫН ӨВӨР МОНГОЛЫН ӨӨРТӨӨ ЗАСАХ ОРНЫ ХЯНГАН АЙМАГТАЙ НАЙРСАГ ХАРИЛЦАА, ХАМТЫН АЖИЛЛАГААНЫ ПРОТОКОЛЫГ БАЙГУУЛЛАА
БНХАУ-ын Өвөр Монголын Өөртөө Засах Орон (ӨМӨЗО)-ы 2025.08.25-ны өдөр Хөх хотноо нээлтээ хийж буй “Монгол-Хятадын V экспо” нь арга хэмжээнд Аймгийн ИТХ-ын дарга Б.Цогт-Орших, ИТХ-ын төлөөлөгч, АН-ын бүлгийн дарга Ц.Амгаланбаатар, ИТХ-ын төлөөлөгч, Дэлгэрхаан сумын Засаг дарга Б.Энх-Амгалан нар оролцож Хэнтий аймгийн аж ахуй нэгж, ноос, ноолуур, арьс шир, бэлэг дурсгал, арьсан эдлэл, хүнс үйлдвэрлэл эрхлэгчдийн оролцох боломжийг судалж, эрх зүйн орчны талаар удирдлагуудтай санал солилцож байна. Айлчлалын хүрээнд Хэнтий аймгийн ИТХ-ын дарга Б.Цогт-Орших болон Хянган аймгийн Засаг даргын орлогч Ма Чао нар хоёр аймгийн хоорондын найрсаг харилцаа, хамтын ажиллагааны протокол үзэглэлээ. Тус хамтын ажиллагааны протокол нь харилцан айлчлал, солилцоог идэвхтэй нэмэгдүүлэх, хоёр талын итгэлцлийг гүнзгийрүүлэх, төрийн байгууллага, худалдаа, аж ахуйн нэгж, холбоодын хамтын ажиллагаанд гүүр болох, эдийн засаг, худалдаа, хөдөө аж ахуй, аялал жуулчлал, байгаль экологи, боловсрол зэрэг салбарт найрсаг хамтын ажиллагааг дэмжиж, харилцан ашигтай хөгжилд хүргэх ач холбогдолтой юм.АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН АЖЛЫН АЛБА
