Тус чуулга уулзалтад аймгийн ИТХ-ын дарга З.Эрхбаяр оролцож Засгийн газар болон аймаг орон нутгаас батлан хэрэгжүүлж буй бодлого шийдвэр, Дөргөн суманд хийгдэх хөрөнгө оруулалтын ажлуудын талаар мэдээлэл өглөө.
Энэ жил гандуу, өвөлжилт хүндрэх төлөвтэй байгааг малчдад анхааруулж өвөлжилтийн бэлтгэл ажлын чиглэлээр мэдээлэл хүргэлээ.
Тиймээс малчид тодорхой тооны малаа нядлах, эдийн засгийн эргэлтэд оруулахад анхаарч, борлуулалтын боломжит сувгуудын талаар мэдээлэл өгч, хамтран ажиллахаа илэрхийллээ.
Ингэснээр мал сүргийн тоо толгойг бодит зохистой түвшинд барьж, бэлчээрийн даацыг хамгаалах, өвлийг гарз хохирол багатай даван туулах боломжтой болох юм.
Цаашид зөв бүтэцтэй, цөөн тооны малаас амьдралдаа хүрэлцэхүйц хэмжээний ашиг хүртэх боломжийг малчидтайгаа хамтран бий болгох зөв менежмент хийж хамтран ажиллахаар тохиролцов.
