Хүрээлэн буй орчны эсрэг гэмт хэргээс урьдчилан сэргийлэх дэд зөвлөлийн 2025 онд хэрэгжүүлэх “Хилийн ногоон бүс” арга хэмжээ, улсын хил орчмын бүс нутагт хууль бус ан, агнуур, ашигт малтмал олборлох гэмт хэрэг, зөрчлөөс урьдчилан сэргийлэх, энэ төрлийн гэмт хэрэг, зөрчлийн тоог бууруулах зорилгоор орон нутагт амьдарч буй малчин гэр бүл, иргэд олон нийтэд хууль сурталчлах, мал аж ахуйн талаар болон аймаг орон нутгаас хийж хэрэгжүүлж байгаа ажил, бодлого, хөтөлбөрийг танилцуулан мэдээлэл хүргэн ажиллалаа.
Алтай сум нь 4 багтай, 3343 хүн амтай, 868 өрхтэй. Үүнээс 510 нь малчин өрх байна. 2024 оны жилийн эцсээр 242 мянган толгой мал тоолуулжээ.
Тус сумын Барлаг, Алтангадас, Бодонч багийн 30 орчим малчин өрх сумаасаа 150 км орчимд нүүдэл хийж, хилийн бүсэд өвөлждөг байна.Алтай сумын иргэд:
Малын хулгай нэмэгдэж байгаад хяналт тавих, илрүүлэлтийг сайжруулах,Малын түүхий эд үнэгүйдэж байгаад анхаарах,Өвс, тэжээлийг малчдад хөнгөлөлттэй үнээр өгөх,Сумын нутаг дэвсгэрт олборлолт хийж байгаа компани, хувь хүмүүсээс авах хураамжийг нэмэгдүүлэх,Жи мобайлын сүлжээг сэргээх зэрэг асуудалд анхаарч өгөхийг ажлын хэсгийн бүрэлдэхүүнд уламжиллаа.
