Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуульд аймгийн ИТХ-ын дэргэд хороод ажиллахаар заасан байдаг. ИТХ-ын VI хуралдаан 2025 оны 10 дугаар сарын 30-ны өдөр болно.
Хуралдаан болохтой холбогдуулан аймгийн ИТХ-ын Ажлын албанаас хороодын хурлыг төлөвлөгөөний дагуу зохион байгуулж байна.
Өнөөдөр (2025.10.29) Сайн засаглал, нутгийн удирдлага, хууль зүйн хөгжлийн хороо, Төсөв, эдийн засгийн хөгжлийн хороо, Нийгэм, цахим бодлогын хөгжлийн хороо, Байгаль орчин ногоон хөгжил, хөдөөгийн хөгжлийн хороо, Дэд бүтэц, хот байгуулалтын хөгжлийн хороод хуралдаж:
Хот тохижуулах газар болон “Шинэ Ховд Жаргалант ТҮК” орон нутгийн өмчит аж ахуйн тооцоот үйлдвэрийн газрыг татан буулгаж, үйл ажиллагааг нэгтгэн Орон нутгийн өмчит хязгаарлагдмал хариуцлагатай компани байгуулах тухайМал эмнэлгийн ажил, үйлчилгээний үнэ тариф тогтоох тухайОрон нутгийн өмчит орон сууцны корпорац байгуулах тухайГазрын нэгдмэл сангийн ангилал батлах тухайХовд аймгийн газар зохион байгуулалтын ерөнхий төлөвлөгөө батлах тухайАймгийн 2026 оны хөгжлийн төлөвлөгөө батлах тухайЭрчим хүчний яамны санхүүжилтээр Хөшөөтийн уурхайг түшиглэн баригдсан шахмал түлшний үйлдвэрийн эзэмшил, ашиглалт, үйл ажиллагааг хариуцах Орон нутгийн өмчит хязгаарлагдмал хариуцлагатай компани байгуулах тухайШашны байгууллагуудын үйл ажиллагаа явуулах эрх олгох, хугацаа сунгах тухайАймгийн мал хулгайлах гэмт хэргээс урьдчилан сэргийлэх дэд зөвлөл шинэчлэн байгуулах тухай асуудлуудыг хэлэлцлээ.
Дээрх хэлэлцсэн асуудлуудтай холбоотой хороодын дүгнэлт гарч аймгийн ИТХ-ын Зургаадугаар хурлаар хэлэлцүүлэх саналыг дэмжлээ.
