“Ховд Наурыз 2026” арга хэмжээний хүрээнд зохион байгуулагдсан баярын парад (2026.03.20) аймгийн төв талбайд боллоо. Тус арга хэмжээнд аймгийн ИТХ-ын дарга З.Эрхбаяр, аймгийн Засаг дарга М.Амарсанаа тэргүүтэй аймаг орон нутгийн удирдлагууд оролцож, баярын мэндчилгээ дэвшүүллээ.
Баярын парад нь Казак зон олны соёлын өв, зан заншлыг харуулсан тэмээн нүүдэл, бүргэд, идээ ундаа, тоглоом наадгай зэрэг 10-аад үзүүлбэрийг нэг дор багтаан үзүүлсэнээрээ онцлог байв.
Ховд аймгийн 90 гаруй мянган иргэдийн 10 гаруй хувийг Казах иргэд эзэлдэг. Тодруулбал, Ховд, Буянт, Мянгад, Булган, Үенч, Эрдэнэбүрэн гэсэн зургаан суманд Казах иргэд аж төрж байна.
