Аймгийн ИТХ-ын “Баялаг бүтээгч, бизнес эрхлэгчдийг дэмжих жил”–ийн ажлыг удирдан чиглүүлэх ажлын хэсэг лхагва гарагт хуралдлаа. Хуралд аймгийн ИТХ-ын Хурлын дарга Р.Зоригтбаатар, ажлын хэсгийн ахлагч, аймгийн ИТХ-ын Тэргүүлэгч Ж.Гантулга, ажлын хэсгийн гишүүн, төлөөлөгч Д.Урансувд, Л.Хишигтогтох, аймгийн ЗДТГ-ын Хөгжлийн бодлогын хэлтэс, Хүнс, хөдөө аж ахуйн газар, Хөдөлмөрийн хэлтсийн мэргэжилтнүүд оролцов. Ажлын хэсгийн хурлаар аймгийн Засаг даргад дараах чиглэлүүдийг өглөө.
- Аймгийн Засаг даргын захирамжаар батлагдсан ажлын хэсэг нь жилийн ажлын төлөвлөгөөгөө боловсруулан аймгийн иргэдийн Төлөөлөгчдийн Хурлын Тэргүүлэгчдийн Хуралд танилцуулан яаралтай батлуулж, ажлыг эхлүүлэх
- Удирдан чиглүүлэх ажлын хэсэг болон аймгийн Засаг даргын захирамжаар томилогдсон ажлын хэсгийн хамтарсан ажил хэргийн уулзалтыг 2015 оны 06 дугаар сарын 10-ны өдрийн 17:00 цагаас аймгийн иргэдийн Төлөөлөгчдийн Хурлын Тэргүүлэгчдийн Хурлын танхимд зохион байгуулах
- Дорнод аймгийн хэмжээнд хэрэгжиж буй баялаг бүтээгч, бизнес эрхлэгчдэд зориулагдсан тусгай сангуудын мэдээллийг танилцуулах. /Тоон дүнтэй/
- Хөдөлмөр эрхлэлтийг дэмжих чиглэлээр хэрэгжиж буй хөтөлбөрүүдийн санхүүжилт болон явцын мэдээллийг танилцуулах. /Тоон дүнтэй/
- Халамжийн хэлтсээс хариуцан хэрэгжүүлж өрхийн үйлдвэрлэлийг дэмжихтэй холбоотой төсөл, хөтөлбөр, сангийн мэдээллийг танилцуулах
