ЧИНГЭЛТЭЙ ДҮҮРГИЙН ХӨРӨНГӨ ОРУУЛАЛТААР БАРИГДСАН АНХНЫ ЦЭЦЭРЛЭГ АШИГЛАЛТАД ОРЛОО
Чингэлтэй дүүргийн төсвийн хөрөнгө оруулалтаар 7 дугаар хороонд баригдсан 150 хүүхдийн ортой анхны 224 дүгээр цэцэрлэгийн нээлтийн ажиллагаа 2015 оны 12 дугаар сарын 8-нд болж, Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ, Чингэлтэй дүүргийн Засаг дарга Д.Ганболд, дүүргийн Иргэдийн Төлөөлөгчдийн Хурлын төлөөлөгчид, Засаг даргын Санхүү, эдийн засгийн асуудал хариуцсан орлогч Б.Мөнхбат, Байгаль орчин, ногоон хөгжлийн асуудал хариуцсан орлогч Б.Батхуяг, Засаг даргын Тамгын газрын дарга Ж.Эрдэнэбат, Засаг даргын Тамгын газрын хэлтсийн дарга нар, 7 дугаар хорооны Иргэдийн Нийтийн Хурлын дарга Д.Баянбат, Засаг дарга Ц.Дуламжав, хороодын Иргэдийн Нийтийн Хурал болон Засаг дарга нар, ерөнхий боловсролын сургуулийн захирлууд, цэцэрлэгийн эрхлэгч нар, 224 дүгээр цэцэрлэгийн хүүхдүүдийн эцэг, эхчүүдийн төлөөлөл оролцлоо.
Чингэлтэй дүүргийн Иргэдийн Төлөөлөгчдийн Хурлын дарга Д.Бат-Эрдэнэ 224 дүгээр цэцэрлэгийн нээлт дээр хэлсэн үгэндээ “Чингэлтэй дүүргийн Иргэдийн Төлөөлөгчдийн Хурал, Засаг даргын Тамгын газар хамтран ажиллаж, анх удаа дүүргийн 1.2 тэрбум төгрөгийн хөрөнгө оруулалтаар 224 дүгээр цэцэрлэгийг барьж ашиглалтад оруулсан” гэдгийг онцлов.
Тус цэцэрлэгийн барилгын гүйцэтгэгчээр “Бөртэ трейд” ХХК, гадна цахилгааны шугамын ажлыг “И Энд Си-Иженеринг” ХХК гүйцэтгэжээ.Чингэлтэй дүүрэг нь 13933 цэцэрлэгийн насны хүүхэдтэйгээс 67 хувь нь буюу 9354 нь цэцэрлэгт харагдаж байна. 7 дугаар хороо нь 13657 хүн амтайгаас 1269 нь буюу 9.3 хувь 2-5 насны хүүхдүүд юм. Тус хорооны сургуулийн өмнөх боловсролд хамрагдвал зохих хүүхдийн 334 нь буюу 26.3 хувь нь цэцэрлэгт хамрагдаж 935 хүүхэд үлдэж байгаа юм.
Чингэлтэй дүүргийн төр, захиргааны байгууллагаас 2016 оноос хүүхэд нэг бүрт тэгш боломж олгох, эрүүл, аюулгүй орчинд хөгжүүлж, төлөвшүүлэхэд чиглэсэн бие даасан цэцэрлэгийн барилгаас гадна орчин үеийн шийдэл-дизайн бүхий нэмэлт бүлгийг байгуулах ажлыг дүүргийнхээ түвшинд эхлүүлэхээр тооцоо судалгаа, зураг төсвийг мэргэжлийн байгууллагуудтай хамтран хийж байна.
Хэнтий аймгийн нутаг дэвсгэрт хамаарах усны сан бүхий газрын онцгой болон энгийн
хамгаалалтын бүсийн талбайн хэмжээ, хилийн зааг, унд ахуйн ус хангамжийн эх үүсвэрийн худгуудын эрүүл ахуйн хориглолтын болон хязгаарлалтын бүсийн талбайн хэмжээ, хилийн заагийг, усны сан бүхий газрын хамгаалалтын бүсэд давхацлын зөрчилтэй нэгж талбайн хэмжээ, эргэлтийн цэгийг тус тус батлахаар бэлтгэл ажлыг хангаж байгаа тул иргэд та бүхэн саналаа өгнө үү
Хамгаалалтын бүсийн хил заагийн мэдээллийг харах: Egazar.gov.mn цахим хаягаар орж Хэнтий аймгийн хилийг сонгоно. Аймаг\хот, цэснээс→Хэнтий, Сум\Дүүрэг цэснээс→сумын нэрийг сонгоход Давхаргууд цэс гарч ирнэ. Цэснээс→Төслийн шатны төлөвлөгөө→Аймгийн газар зохион байгуулалтын төлөвлөгөө→5:Усны сан бүхий газар→ 50201001:, 50201002: -ийг идэвхижүүлж хилийн цэсийг газрын зураг дээр харах боломжтой.
санал өгсөн: 8
