Орон нутгийн төрийн байгууллагууд, хуулийн байгууллагуудын ажлын уялдаа холбоог сайжруулах, гэмт хэргээс урьдчилан сэргийлэх ажлыг эрчимжүүлэх, иргэдийн эрх зүйн мэдлэгийг дээшлүүлэх зорилгоор аймгийн Гэмт хэргээс урьдчилан сэргийлэх ажлыг зохицуулах салбар зөвлөлөөс 2016 оны 11 дүгээр сарын 20-ны өдрөөс 25-ны өдрийг хүртэл 5 бүсэд ''Гэмт хэргээс урьдчилан сэргийлэх нь'' бүсийн зөвлөгөөнийг зохион байгуулна.
Тус зөвлөгөөнөөр хуулийн байгууллагуудын үйл ажиллагааны талаар мэдээлэл өгч, иргэдтэй уулзалт захион байгуулах, сумдын гэмт хэргээс урьдчилан сэргийлэх ажлыг зохицуулах салбар зөвлөлийн үйл ажиллагаатай танилцах, тэдгээрийн танилцуулга мэдээллийг сонсох, заавар зөвлөмж өгөх, иргэдэд хууль, эрх зүйн зөвлөгөө өгөх, хууль, хяналтын байгууллагуудтай холбоотой өргөдөл, гомдол, санал хүсэлтийг хүлээн авах зэрэг үйл ажиллагааг зохион байгуулах юм.
Зөвлөгөөн 11 дүгээр сарын 20-ны өдөр Баян-Овоо суманд Батноров, Бэрх, Норовлин сумд, 11 дүгээр сарын 21-ний өдөр Бор-Өндөр суманд Галшар, Дархан, Баянмөнх сумд, 11 дүгээр сарын 22-ны өдөр Өмнөдэлгэр суманд Жаргалтхаан, Дэлгэрхаан, Хэрлэнбаян-Улаан, Цэнхэрмандал сумд, 11 дүгээр сарын 23-ны өдөр Баян-Адрага суманд Дадал, Батширээт, Биндэр сумд, 12 дугаар сард Хэрлэн суманд Тахилгат, Өлзийт тосгон, Мөрөн, Баянхутаг сумд оролцоно.