Улсын Их Хурлын дарга
Миеэгомбын Энхболдын ивээл дор Монгол Улсын шинэ Үндсэн хууль батлагдсаны 25
жилийн ойг тэмдэглэн өнгөрүүлэх, шинэ Ардчилсан Үндсэн хууль баталсан Ардын Их
Хурлын Депутатуудад хүндэтгэл үзүүлэх ажлын хүрээнд 2016 оны 12 дугаар сарын
10-11-ний өдрүүдэд нийслэл болон бүх аймагт нэгэн зэрэг зохион байгуулагдах
хагас шигшээ буюу Шатар сонирхогчдын 2017 оны Аймгийн аварга шалгаруулах
тэмцээн энэ амралтын өдрүүдэд болох гэж байна.
Тэмцээнд анхан шатны болон шатар сонирхогчдын сум, байгууллагуудын аварга шалгаруулах
тэмцээнээс шалгарсан Монголын шатрын холбооны рейтингийн жагсаалтаар сүүлийн
хоёр жилийн хугацаанд рейтинг нь 2000-аас хэтрээгүй, шатрын спортоор улсын
цолгүй, зөвхөн насанд хүрсэн шатар сонирхогчид оролцох юм.
Жил бүр уламжлал болон 5 дахь жилдээ зохион байгуулагдаж байгаа
хүндэтгэл, оролцоо ихтэй энэхүү тэмцээн 2016 оны 12 дугаар сарын 10-ны 9 цагт
аймгийн "Иргэний танхим"-д эрэгтэйчүүдийн, Хэрлэн сумын "Иргэний
танхим"-д эмэгтэйчүүдийн ангиллаар зохион байгуулагдана.
Хэнтий аймгийн иргэдийн Төлөөлөгчдийн Хурлын ажлын
алба