Гэмт хэрэг, зөрчлөөс урьдчилан сэргийлэхэд Ерөнхий боловсролын сургуулийн сурагчдын идэвхи, оролцоог дэмжих, сурагчдын хууль, эрх зүйн мэдлэгийг нэмэгдүүлэх, хууль тогтоомжийг сурталчлан таниулах зорилгоор аймаг, сумдын иргэдийн Төлөөлөгчдийн Хурал, аймагт Гэмт хэргээс урьдчилан сэргийлэх ажлыг зохицуулах салбар зөвлөлөөс жил бүр уламжлал болгон зохион байгуулагддаг “Хүүхэд хууль-2016” аймгийн аварга шалгаруулах тэмцээн 2016 оны 12 дугаар сарын 10-ны өдөр зохион байгуулагдлаа.

Аймгийн аварга шалгаруулах тэмцээнд урд бүсийн аварга Дархан сумын “Өсвөрийн аврагч” баг, Баруун бүсийн аварга Өмнөдэлгэр сумын “Гэрэгэ” баг, Хойд бүсийн аварга Баян-Адрага сумын “Тэмүүлэл” баг, Зүүн бүсийн аварга Батноров сумын “Танд тусалъя” баг, Төвийн бүсийн аварга Тэмүүжин цогцолбор сургуулийн “Дэнс” баг өрсөлдсөнөөс Баян-Адрага сумын “Тэмүүлэл” баг тэргүүн байр, шилжин явах цомын эзэн болсон бөгөөд Өмнөдэлгэр сумын “Гэрэгэ” баг хоёрдугаар байр, Дархан сумын “Өсвөрийн аврагч” баг гуравдугаар байрыг тус тус эзэллээ.

Аймаг, сумдын иргэдийн Төлөөлөгчдийн Хурлаас тус тэмцээнийг нийт 2,410,000 төгрөгөөр санхүүжүүлэн зохион байгуулаад байна.