Өнөөдөр Аймгийн иргэдийн Төлөөлөгчдийн Хурлын дарга Л.Батсайхан 18 сумын Хурлын дарга нартай 2017-2020 онд хамтран ажиллах гэрээнд гарын үсэг зурлаа. Аймаг, сумын иргэдийн Төлөөлөгчдийн Хурлыг сонгох 2016 оны сонгуулийн үр дүнд байгуулагдсан орон нутгийн удирдлагууд иргэд, өрх, гэр бүлийн амьдралын чанарын өсөлт, сум орон нутгийн хөгжлийн бодлого төлөвлөлтийг бодлого, үйл ажиллагааны уялдааг хангасан байдлаар зохион байгуулах, иргэдийн нийтлэг эрх ашгийг хамгаалах, санал, санаачлагыг нь дэмжихэд чиглэсэн үйл ажиллагааг үе шаттайгаар хийх зэрэг асуудлыг хэлэлцэж, гэрээний заалт бүрээр харилцан ярилцаж, цаашид хийгдэх зорилт, ажлаа тодорхойллоо.

Гэрээ байгуулж ажиллах нь зөв зүйтэй, Төлөөлөгчид хийгээд Хэнтий аймгийн нутгийн өөрөө удирдах байгууллагын хөгжил, төлөвшилд тустай байна гэдэгт итгэлтэй байна гэдгээ талууд харилцан ярилцав.