Хэнтий аймаг дахь Цагдаагийн газрын удирдлагууд сумдад
гэмт хэргээс урьдчилан сэргийлэх ажлыг зохицуулах салбар зөвлөлийн дарга нарын
хамтарсан уулзалт боллоо. Урилгаар аймгийн иргэдийн Төлөөлөгчдийн Хурлын дарга
Л.Батсайхан оролцсон юм. Энэхүү уулзалтанд 18 Сумын хэсгийн төлөөлөгчид, Хурлын
дарга нар хүрэлцэн ирж оролцлоо. Хэнтий аймаг дахь Цагдаагийн газрын дэдбөгөөдэрүүгийнцагдаагийнтасгийндарга,
цагдаагийндэдхурандааЦ.БаярхүүЦагдаагийн газрын өнөөгийн байдал, цаашид хэрэгжүүлэх ажлын талаар мэдээлэл
хийв. Уулзалтын үеэр сумдад гол тулгамдаад байгаа
асуудлуудаа хэлэлцсэн бөгөөд сумдын хувьд гэмт хэргээс урьдчилан сэргийлэх
ажлыг нилээдгүй зохион байгуулж байгаагаа сумдын хэсгийн төлөөлөгчид болон
хурлын дарга нар ярьж байлаа. Мөн Норовлин сум малчиддаа GPS-ын талаар сургалт сурталчилгааг явуулсан бөгөөд малчдын
хувьд ирэх хавраас ашиглаж үзэх санал гаргаж байсныг хэлж байсан юм.
Дархан сумын тухайд Гэмт хэргээс урьдчилан сэргийлэх
ажлыг зохицуулах салбар зөвлөлийн зөвлөгөөнийг 2017 оны 4-р сарын эхний 10
хоногт хил залгаа болон зам дагуух сумдыг хамруулж зохион байгуулахаар болсон
байна. Уг зөвлөгөөнд аймгийн Дэлгэрхаан, Баянмөнх, Галшар, Бор-Өндөр сумд, Дорноговь
аймгийн Иххэт, Даланжаргалан, Говьсүмбэр аймгийн Сүмбэр, Баянтал сум, Төв
аймгийн Баян, Баянжаргалан зэрэг сумд хамрагдах ажээ. Гэвч уг зөвлөгөөнийг
зохион байгуулахад төсөв мөнгөний хувьд учир дутагдалтай байгааг Дархан сумын
Хурлын дарга Н.Ганбаатар уламжлахад Аймгийн иргэдийн Төлөөлөгчдийн Хурлын дарга
Л.Батсайхан 1,000,000 төгрөгийн санхүүжилт үзүүлэхээр болов.Зөвлөгөөнөөр хил
залгаа сумдын гэмт хэргийн илрүүлэлт, мэдээлэл солилцох ажиллагааг шуурхай
болгох, хамтран ажиллах гэрээ байгуулах, гэмт хэргийг илрүүлэхээр ажиллаж
байгаа албаны ажилтнуудад дэмжлэг үзүүлэх зэрэг асуудлуудыг шийдвэрлэх юм
байна.