Аймгийн иргэдийн Төлөөлөгчийн Хурлын ивээл дор зохион байгуулагдаж буй Гэмт хэргээс урьдчилан сэргийлэх, архидан согтуурахын эсрэг “Эрүүл нийгэм” аяны хүрээнд “Спирт үү спорт уу” сэдэвт сумдын волейболын лигийн тэмцээн болж байгаа билээ.
Тэмцээн хоёр үе шаттай зохион байгуулагдаж байгаа бөгөөд эхний үеийн “A”,”B”,”D” хэсгийн тоглолт өнгөрсөн амралтын өдрүүдэд Цагаан-Овоо, Дашбалбар, Хөлөнбуйр сумдад зохион байгуулагдсан бөгөөд хагас шигшээд “А” хэсгээс Баяндун, Баян-Уул “В” хэсгээс Чулуунхороот, Чойбалсан “D” хэсгээс Хөлөнбуйр, Булган сумд шалгарч үлдээд байна. Тэмцээний “С” хэсэг буюу Халхгол, Баянтүмэн сумдын тоглолт энэ сарын 13-ны өдөр Хэрлэн суманд зохион байгуулагдана.
Хагас шигшээ тоглолт 2017 оны 02 дугаар сарын 14-16-ны өдрүүдэд аймгийн Биеийн тамир спортын газарт болж аваргаа шалгаруулна.
