Гал бичин жилд Дундговьчуудын 75 жилийн нөр их хөдөлмөр бүтээлийг үнэлэн Монгол Улсын Ерөнхийлөгчийн зарлигаар Хөдөлмөрийн гавьяаны улаан тугийн одонтой аймгаар тодруулж шагнан урамшуулсан явдалд Дундговиор овоглосон хүн бүхэн туйлын баяртай байгаа гэдэгт итгэлтэй байна. Улиран одож буй гал бичин жилд Дундговьчууд бидний хувьд ажил үйлс өөдрөг, сэтгэл тэнүүн, байгаль дэлхий ивээлээ хайрласан буянтай сайхан жил байж нийт мал сүрэг 5 төрөл дээрээ өсч 3,5 саяд хүрч, "Улсын сайн мачин" 5, "Алтан төлийн эзэн" 3 тодорч , урлаг спортын гавьяатууд шинээр төрөн гарч шинэ бүтээн байгуулалтууд өрнөсөн таатай сайхан жил байлаа.
Айлчлан ирж буй 17 дугаар жарны "Алтан унжлагат" хэмээх гал тахиа жилдээ өвлийн хүйтэн улирлыг өрнүүн хөдөлмөр,өөдрөг сэтгэлээрээ даван туулсан амжилтын баяр, шимтэй бүхэн дэлгэрч цэцэглэх, үндэстэй бүхэн үржин өсөх өрнөн дээшлэхийн бэлэгдэл урин хавартай золгосны баяраар хотол олноороо эрүүл энх, амар амгалан байж аз хийморь, амжилт бүтээл нь өөдөө байхын өлзийтэй ерөөлийг өргөн дэвшүүлье.
Сар шинэдээ сайхан шинэлээрэй.
Дундговь аймгийн ИТХ-ын дарга С.Сүхбаатар