Хэнтий аймгийн Засаг даргын 2016-2020 оны үйл ажиллагааны хөтөлбөрийн хүрээнд хэрэгжих дэд хөтөлбөрийг аймгийн иргэдийн Төлөөлөгчдийн Хурлаар батлуулснаар өнөөдөр нээлтээ хийлээ. Тус 12 дэд хөтөлбөр хэрэгжүүлснээр жижиг дунд бизнес, соёлын аялал жуулчлалыг хөгжүүлэх замаар байгаль орчинд ээлтэй, ногоон хөгжлийг эрхэмлэсэн, чинээлэг, дундаж давхарга бүхий боловсролтой, ажилтай орлоготой, эрүүл чийрэг, ирээдүйдээ итгэлтэй Хэнтийчүүд болох юм. 

Энэ үеэр Төрийн дээд шагналыг Аймгийн ИТХ-ын дарга Л.Батсайхан, аймгийн Засаг дарга Н.Ганбямба, УИХ-ын гишүүн Д.Гантулга нар гардууллаа. Үүнд:

- ХӨДӨЛМӨРИЙН ГАВЬЯАНЫ УЛААН ТУГИЙН ОДОН-гоор  Хэрлэнбаян-Улаан тосгоны малчин Н.Лхагвасүрэн

-     АЛТАН ГАДАС ОДОН-гоор Өмнөдэлгэр сумын иргэн И.Уртнасан, Батноров сумын ЕБС-ын багш Д.Базардарь, Өндөрхаан нисэх буудлын ажилтан Ш.Алтанцэцэг, Хэрлэн сумын 4-р багий өндөр настан Г.Алтанцэцэг, Хэрлэн сумын өндөр настан Д.Чулуунсүх нар

-       ХӨДӨЛМӨРИЙН ХҮНДЭТ МЕДАЛЬ-аар Хэрлэн сум 1-р сургуулийн багш О.Алтансувд, Жаргалтхаан сумын ахмад багш Д.Алтангэрэл, аймгийн ЗДТГ-ын мэргэжилтэн Б.Гантөгс, Хэрлэн 4-р сургуулийн багш Н.Ариунаа, Өмнөдэлгэр сумын Өргөжих үүдэн эмнэлэгийн үйлчлэгч Ц.Мөнхтогоо нар тус тус шагнагдлаа.