Шүүхийн Ерөнхий Зөвлөлийн дарга, Монгол Улсын шинжлэх Ухааны гавьяат зүтгэлтэн,философийн ухааны доктор, Хуульзүйн шинжлэх ухааны доктор, профессор Н.Лүндэндорж өнөөдөр Хэнтий аймгийн АДБХХЧуулгат иргэд болон төрийн албан хаагчид, хуулийн байгууллагынхантай уулзалт хийлээ.

Монгол Улсын Ерөнхийлөгчийн санаачилсан Шүүхийн шинэтгэл яагаад хэрэгтэй болсон бэ? энэ нь иргэн хүнд ямар ач холбогдолтой вэ? ямар бэрхшээл байна вэ? яагаад шинэтгэл хийх хэрэгтэй болсон бэ? үр дүн нь юу байна вэ гэдгийг Монголын бүх аймгуудад хүргэх зорилготой 21 аймгийн иргэдтэй уулзаж байгаа юм. Шүүхийн Ерөнхий Зөвлөлийн дарга Н.Лүндэндорж хэлэхдээ: “Шүүхийн шинэтгэл гэдэг зүйлийг УИХ-ын гишүүд, засгийн газрын хэмжээнд яриад байдаггүй, тиймээс үүнийг биечлэн тойрч ярихгүй бол болохгүй, шүүхийн шинэтгэл гэдэг маш чухал зүйл, айл гэрийн амьдралтай холбоотой, ууж байгаа сүү, идэж байгаа талх, хүүхдийн сурч байгаа сургууль, энэ нь шүүхийн шинэтгэлтэй зайлшгүй холбоотой байдаг, энэ чухал зүйлийг иргэдэд ойлгуулах шаардлагатай учраас би Хэнтийчүүдийг зорьлоо “ гэдэгээ хэлж байсан юм.

Энэ үеэр АИТХ-ын дарга Л.Батсайхан: "Сар шинийн босгон дээр Монгол улсын Шинжлэх ухааны гавьяат зүтгэлтэн цол хүртсэн Н.Лүндэндорж багшдаа нийт Хэнтийчүүдийнхээ өмнөөс баяр хүргэж ажилд нь амжилт хүсье. Шүүхийн шинэтгэлийн талаар хэдэн жил ярьсан, энэ талаар ард иргэд ойлголт муу байдаг, өнөөдөр ирж Шүүхийн шинэтгэлийн талаар мэдээлэл өгч байгаа нь нүдээ олсон зүйл болж байна. АИТХ-ын хувьд ГХУСАЗСЗ-ын хүрээнд Шүүхийн байгууллагатай хамтарч ажилладаг, энэхүү бүрэлдэхүүнд аймгийн шүүхийн ерөнхий шүүгч ажилладаг, өнгөрсөн 11сард бүсчилсэн зөвлөгөөнийг 5 суманд зохион байгуулж, ард түмэндээ хууль эрхзүйн талаар мэдээлэл хийж ажилласан. " гэлээ.