Аймгийн иргэдийн Төлөөлөгчдийн Хурлын Тэргүүлэгчид өнөөдөр хуралдлаа. Энэ үеэр 4 асуудал хэлэлцэж, 2 асуудлыг тэргүүлэгчдэд танилцуулав.

Үүнд: 1-р асуудал болох Өлзийт тосгоны түүхт 40 жилийн ойг тохиолдуулан тосгоны даргаар ажиллаж байсан Монгол Улсын Хөдөлмөрийн баатар Дамдинжавын Гомбожавын хөдөлмөр зүтгэлийг алдаршуулах зорилгоор Өлзийт тосгоныг Дамдинжавын Гомбожавын нэрэмжит болгохыг дэмжүүлэх тухай хүсэлтийг "Хот тосгоны эрхзүйн байдлын тухай хууль", Нэрэмжит болгох тухай журамд тус тус заасанчлан хот тосгоныг нэрэмжит болгох хууль эрхзүйн үндэслэл байхгүй тул Тэргүүлэгчдийн Хурлаар дэмжигдээгүй бөгөөд харин тухайн тосгоны ААНБ, гудамж талбайг тухайн хүний нэрэмжит болгохоор өргөн мэдүүлэх талаар зөвлөмж хүргүүлэв.

2-р асуудал болох Алдарт эхийн одонгоор шагнуулахаар өргөн мэдүүлэх тухайд Аймгийн Хуралд Алдарт эхийн 1-р одонд 19 эх, 2-р одонд 195 эхийн материал хүлээж авсанаас хуралдаанаар 2-р эхийн одонгийн материалаас 3 материал хасагджээ.

3-р асуудал болох Аймгийн Орон нутгийн Өмчийн газраас оруулсан хөрөнгө худалдах асуудлын тухайд Дадал сумын 1, Норовлин сумын 2 нийт 3 Дизель станцыг дуудлаганд худалдаанд оруулах санал оруулж ирсэн нь дэмжигдэв. 

4-р асуудал болох Гутайн давааны ашигт малтмалын ашиглалтын лицензийг хүчингүй болгох хүсэлт Биндэр, Баян-Адрага, Норовлин, Дадал зэрэг сумдаас ирсэн хүсэлтийг Тэргүүлэгчид дэмжлээ.