Аймгийн ИТХ, Гэмт хэргээс урьдчилан сэргийлэх ажлыг зохицуулах зөвлөлөөс санаачлан аймгийн БСУГазар хамтран дэлхий нийтэд тархаад буй “Ковид – 19” цар тахал өвчнөөс урьдчилан сэргийлэх зорилгоор ЕБС-ын 1-5 ангийн сурагчдын дунд гар зургийн уралдаан зарласан. Тус уралдаанд 15 сумын ЕБС-ын 1-3 ангийн сурагчдын 465, 4-5 ангийн сурагчдын 322, анги нэр бичигдээгүй 8 нийт 795 бүтээл ирсэн байна. Аймгийн ИТХ, БСУГазар , мэргэжлийн багш нараас бүрдсэн ажлын хэсэг ирсэн бүтээлүүдэд эхний шатны шалгаруулалт хийж удирдамжид заасан шалгуур үзүүлэлтийг хангасан 1-3 ангийн сурагчдын 18 бүтээл, 4-5 ангийн 20 бүтээлийг дараагийн шатны шалгаруулалтад оруулахаар боллоо. Эхний шатанд шалгарсан 38 бүтээлийг кодлон цахим хуудсанд байршуулах бөгөөд иргэдийн саналыг авч ажлын хэсгийн өгсөн оноон дээр нэмж үнэлэх юм. Цахим хуудасны үнэлгээг тооцохдоо зөвхөн Дундговь аймгийн Иргэдийн Төлөөлөгчдийн Хурал пеиж хуудсанд тухайн зурагт өгсөн like -ны тоогоор үнэлгээг нэмэгдүүлэх юм.

“Ковид – 19” цар тахал өвчнөөс урьдчилан сэргийлэх зорилгоор зарласан гар зургийн уралдаанд ирүүлсэн 1-3 ангийн сурагчдын эхний шатны шалгуруулалтад тэнцэн 18 бүтээлийг танилцуулж байна. Иргэд та бүхэн бүтээлтэй танилцаж like дарж бүтээлд санал өгөх юм. Нэг хүн хэдэн ч бүтээлд санал өгч болох бөгөөд та бүхний ирүүлсэн 1 like 1 оноод тооцогдож ажлын хэсгээс өгсөн эхний шатны шалгаруулалтын оноон дээр нэмэгдэх юм. Саналыг 2021 оны 10-р сарын 27-ны 17 цаг хүртэлх хугацаанд зөвхөн Дундговь аймгийн иргэдийн Төлөөлөгчдийн Хурал, Дундговь аймгийн Гэмт хэргээс урьдчилан сэргийлэх зөвлөлийн албан ёсны пейж хуудсаар авах бөгөөд 17 цагт мэдээлэл хаагдана. Шалгарсан бүтээлийг сурталчилгааны загвар болгон нийтэд сурталчилна.

Өнөөдөр буюу 2021.11.01-ний өдөр аймгийн ИТХ-ын Тэргүүлэгчдийн 14-р хурал цахимаар өргөтгөсөн байдлаар хуралдаж 5 асуудал хэлэлцэн баталлаа. Үүнд ээлжит зургаадугаар хуралдаанаар хэлэлцэх асуудал, Аймгийн ИТХ-ын Төлөөлөгчдийн ээлжит долоодугаар хуралдааныг 2021 оны 12 дугаар сарын 03-ны өдөр хуралдуулах тов тогтоох тухай, Төрийн шагналд тодорхойлох тухай зэрэг асуудлыг хэлэлцлээ.

Аймгийн ИТХ-ын Тэргүүлэгчдийн ээлжит 13-р хуралдаан 2021 оны 10-р сарын 20-ны өдөр хуралдаж аймгийн ИТХ-ын ээлжит зургаадугаар хуралдааныг 2021 оны 11-р сарын 03-ны өдөр танхим болон цахим хэлбэрээр хуралдуулахаар товлолоо.

Өнөөдөр буюу 2021 оны 10-р сарын 20-ны өдөр аймгийн ИТХ-ын Тэргүүлэгчдийн ээлжит 13-р хурал танхим болон цахимаар зохион байгуулагдаж 72.2 хувийн ирцтэй хуралдаж нийт 9 асуудал хэлэлцлээ.

Өнөөдөр буюу 2021 оны 10-р сарын 20-ны өдөр аймгийн ИТХ-ын Тэргүүлэгчдийн ээлжит 13-р хурал танхим болон цахимаар зохион байгуулагдаж 72.2 хувийн ирцтэй хуралдаж нийт 9 асуудал хэлэлцлээ.

Аймгийн ИТХ, Гэмт хэргээс урьдчилан сэргийлэх ажлыг зохицуулах зөвлөлөөс санаачлан аймгийн БСУГазар хамтран дэлхий нийтэд тархаад буй “Ковид – 19” цар тахал өвчнөөс урьдчилан сэргийлэх зорилгоор ЕБС-ын 1-5 ангийн сурагчдын дунд 2021.10.18-22-ны өдрүүдэд гар зургийн уралдаан зарлаж байна.

Тусгайлсан чиг үүрэг бүхий Төрийн байгууллагуудын нэгдсэн өдөрлөг өнөөдөр боллоо. Тус өдөрлөгөөр байгууллагууд үндсэн чиг үүргийн дагуу хууль тогтоомж, журмын талаар иргэдэд мэдээлэл, зөвлөгөө өгч иргэдээс гаргасан санал, хүсэлт, өргөдөл, гомдлыг хүлээн авч, зарим үйлчилгээг газар дээр нь хүргэж ажиллалаа. Мөн гэмт хэргээс урьдчилан сэргийлэх мэдээ, мэдээллийг хүргэлээ.

Аймгийн ИТХ, аймгийн Засаг даргын санаачилсан 8 түмэн мод тарих аянд нэгдэж 2021 оны хавар ИТХ-ын нэрэмжит төгөл байгуулж 1000 мод тарьсан. ИТХ-ын ажлын албанаас хавар тарьсан модны ургалтыг шалгаж цаашид ургах боломжгүй болсон модыг хүрааж шинээр 140 хайлаас суулгаж намрын нөхөн тарилт хийлээ.

Гурвансайхан сумын ахмад багш Д.Сэрээнэнг Монгол Улсын ерөнхийлөгчийн зарлигаар ХӨДӨЛМӨРИЙН ГАВЬЯАНЫ УЛААН ТУГИЙН одонгоор шагналаа. Ерөнхий боловсролын сургуульд тасралтгүй 25 жил ажиллаж олон зуун шавь нарыг эрдэм номын замд хөтөлж, сурган хүмүүжүүлсэн ахмад багш билээ. Ахмад багш Сэрээнэнгийн ажлын амжилтыг төр засгаас үнэлж, Монголын ахмад багш нарын холбооны дээд шагнал, “Багшийн гавьяа” одон, Монгол ардын хувьсгалын 70,80,90 жилийн ойн медаль, Боловсролын яамны “Эрдмийн цагаан лавай “ хүндэт тэмдэг, Социалист хөдөлмөрийн гавшгайч цол тэмдэг, ”Ахлах багш” цол тэмдэг, Боловсролын байгууллагын 80, 90 жилийн ойн медаль, Алдарт эхийн 1,2-р одон, Дундговь аймгийн хүндэт тэмдэг, Боловсролын тэргүүний ажилтан,Хөдөлмөрийн хүндэт медаль зэргээр шагнажээ.

Аймгийн ИТХ-ын Тэргүүлэгчдийн 10, 11-р хурал цахимаар хуралдлаа.Тус хурлаар хөрөнгө актлах тухай, хөрөнгө данснаас хасах, бүртгэх тухай, Төрийн одон медалиар шагнах тухай асуудлыг хэлэлцэн шийдвэрлэлээ.

Монгол Улсын Ерөнхийлөгчийн зарлигаар төрийн дээд одон медалиар шагнагдсан ахмадуудын шагналыг УИХ-ын гишүүн Г.Мөнхцэцэг, аймгийн ИТХ-ын дарга С.Од-Эрдэнэ нар гардуулж өглөө.